ოპოზციის მხარდამჭერები ერევანში მთავრობის ადმინისტრაციის ერთ-ერთ შენობაში შეიჭრნენ. აქცია პრემიერ ნიკოლ ფაშინიანის გადადგომის მოთხოვნით, პარტია „დაშნაკწუთიონის“ ახალგაზრდული ფრთის მიერ იყო ორგანიზებული.

 „მოვითხოვთ ფაშინიანის გადადგომას. ჩვენი აქციით ვაჩვენეთ, რომ ჩვენთვის დახურული კარი არ არსებობს და შეგვიძლია შევიდეთ ნებისმიერ სამთავრობო შენობაში“, -აცხადებენ აქციის მონაწილეები.

აქციის მონაწილეები ამბობენ, რომ ხელისუფლება სახელმწიფო სამსახურების თანამშრომლებს ს სამთავრობო აქციებზე წასვლას აიძულებს.

„ ეს ჩვენი ქალაქია, ჩვენი შენობაა. ჩვენ გვმობთ ხელისუფლების ქმედებებს, რომელსაც ადმინისტრაციული რესურსის გამოყენებით ხალხი ხელისუფლების მხარდამჭერ აქციებზე მიჰყავს. ჩვენ კი ასე ვიქცევით. ასე ვაცნობებთ მოქალაქეებს ჩვენი მიტინგების შესახებ“, - აცხადებენ ოპოზიციის მხარდამჭერები.

პოლიცია დემონსტრანტების მოქმედებებს წინააღმდეგობას არ უწევს. აქტივისტებმა შენობა უკვე დატოვეს და ერევნის ქუჩებში მსვლელობა განაგრძეს.

დღეს, 1 მარტს ერევანში ფაშინიანის გადადგომის მოთხოვნით მორიგი მასშტაბური აქცია იმართება.