საფრანგეთის პროკურატურამ მსახიობ ჟერარ დეპარდიეს წინააღმდეგ გაუპატიურების საქმეზე გამოძიება განაახლა. საუბარია მოვლენებზე, რომელიც გამოძიების მტკიცებით, 2018 წლის აგვისტოში პარიზში, დეპარდიეს სახლში განვითარდა. ახალგაზრდა მსახიოის ვინაობა, რომელზც დეპარდიემ, სავარაუდოდ, იძალადა, არ ხმაურდება.

დეპარდიეს ადვოკატმა სააგენტო „ფრანს პრესს“ დაუდასტურა, რომ მსახიობის წინააღმდეგ გამოძიება მართლაც მიმდინარეობს, თუმცა განაცხადა, რომ დეპარდიე ბრალდებას უარყოფს. ჯერ კიდევ ორი წლის წინ ადვოკატი ამბობდა, რომ „ჟერარ დეპარდიე შოკირებულია. ეს ბრალდება ეწინააღმდეგება მის პიროვნებას და იმას, რასაც ის პატივს სცემს“.

ფრანგული მედიის ინფორმაციით, ახალგაზრდა ქალმა დეპარდიეს 2018 წლის აგვისტოში უჩივლა. 2019 წელს პარიზელმა პროკურორებმა გამოძიება დახურეს, თუმცა 2020 წელს ისევ განაახლეს.

დეპარდიეს წინააღმდეგ ფორმალური გამოძიება გასული წლის დეკემბერში დაიწყო. ამ პროცესის დროს პროკურორებმა უნდა გადაწყვიტონ, საჭიროა თუ არა მსახიობს ბრალი ოფიციალურად წარედგინოს.