შეერთებული შტატების კონგრესის წარმომადგენელთა პალატის წევრი ადამ კინზინგერი საქართველოში მიმდინარე მოვლენებს ეხმიანება.

"ძალიან შემაშფოთებელია საქართველოს მთავრობის ქმედება. დაძაბული ვითარების გათვალისწინებით, მთავრობას მოვუწოდებ, უარი თქვას ამ დრამატულ მოქმედებაზე. ყველანი გაკვირდებით. პირდაპირ ეთერში ვუყურე დარბევას. ძალიან შეშფოთებული ვარ. ახლახან კონგრესში წარვადგინეთ საქართველოს მხარდამჭერი აქტი, გაითვალისწინეთ, რომ მისი მიღება ავტომატურად არ ხდება", - წერს კინზინგერი.

"ნაციონალური მოძრაობის“ თავმჯდომარე, ნიკა მელია დააკავეს. ის პარტიის ოფისიდან სპეცრაზმმა გამოიყვანა.

ნიკა მელია მას შემდეგ დააკავეს, რაც სამართალდამცველებმა "ნაციონალური მოძრაობის" ოფისი იქ მყოფი ადამიანებისგან თითქმის დაცალეს. დარჩენილი იყო ერთი ოთახი, სადაც ნიკა მელია, ოპოზიციის რამდენიმე ლიდერი, რამდენი ათეული მხარდამჭერი და ჟურნალისტები იმყოფებოდნენ.

მანამდე "ნაციონალური მოძრაობის" ოფისთან სპეციალური დანიშნულების რაზმმა ცრემლსადენი გაზი გამოიყენა.