საკანონმდებლო ორგანომ პრემიერ-მინისტრი და მინისტრთა კაბინეტი დაამტკიცა. ირაკლი ღარიბაშვილის ხელახლა გაპრემიერებას მხარი 89 დეპუტატმა დაუჭირა.

კენჭისყრაზე რეგისტრაცია გაიარა 94-მა დეპუტატმა. რეგლამენტის მიხედვით, პრემიერ-მინისტრისა და მთავრობის დასამტკიცებლად 76 დეპუტატის მხარდაჭერაა საჭირო.

შეგახსენებთ, რომ პარტია "ქართული ოცნებამ" პრემიერ-მინისტრის კანდიდატად ირაკლი ღარიბაშვილი მას შემდეგ დაასახელა, რაც გიორგი გახარია გადადგა.

ირაკლი ღარიბაშვილმა თავდაცვის მინისტრის თანამდებობაზე თავდაცვის მინისტრის მოადგილე ჯუანშერ ბურჭულაძე წარადგინა. ხოლო რეგიონული განვითარებისა და ინფრასტრუქტურის მინისტრის პოსტზე მაია ცქიტიშვილი მისმა პირველმა მოადგილემ ირაკლი ქარსელაძემ შეცვალა. სხვა მინისტრებმა პოსტები შეინარჩუნეს.