დღეიდან ბათუმში, ზუგდიდში, გორში, ფოთსა და თელავში მუნიციპალური ტრანსპორტის მუშაობა აღდგება.

საქართველოს სხვა დიდ ქალაქებში, თბილისში, ქუთაისსა და რუსთავში მუნიციპალური ტრანსპორტის მუშაობის აღდგენა პირველი მარტისთვის არის დაგეგმილი.

ბათუმის მერიის ინფორმაციით, სატრანსპორტო საშუალებებს სადეზინფექციო სამუშაოები უკვე ჩაუტარდა, სპეციალური ხსნარით დამუშავდა მუნიციპალური ავტობუსების მოსაცდელები.

მუნიციპალურ ავტობუსებში ასევე არის განთავსებული დისპენსერები, ხოლო ელექტრო ავტობუსებში დამატებით, თერმოსკრინინგის აპარატები.

ავტობუსები ბათუმში ორშაბათიდან პარასკევის ჩათვლით, 07:00-დან საღამოს 21:00 საათამდე, მიკროავტობუსები კი, დილის 08:00 საათიდან საღამოს 20:00 საათამდე იმოძრავებს.

შეგახსენებთ, რომ აკრძალულია საზოგადოებრივ ტრანსპორტში პირბადის გარეშე ასვლა და ფეხზე დგომით მგზავრობა.