ვფიქრობ, რომ ვაქცინაციას მარტში დავიწყებთ, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ პალიტრას გადაცემაში პოლიტ-ქალაქი განაცხადა.

როგორც გამყრელიძემ აღნიშნა, კოვაქს ვაქცინის 1 400 000 დოზა საქართველოს მოზრდილი მოსახლეობის 20%-სთვისაა გათვლილი.

"ეს პირველ კვარტალში უნდა დაიწყოს. კოვაქსს აქვს პასუხისმგებლობა, რომ ერთი წლის განმავლობაში ეს უნდა მოგაწოდოს. ვფიქრობ, რომ ვაქცინაციას მარტში დავიწყებთ. ახლა 29-ში ველოდებით გადაწყვეტილებას ისევ კოვაქსიდან, რომ პირველი ლიმიტირებული პარტია, ოღონდ არა ასტრაზენეკასი, არამედ ვთქვათ ფაიზერის სამედიცინო პერსონალის გარკვეული ჯგუფებისთვის მოგვაწოდონ", - განაცხადა გამყრელიძემ.