აშშ-ის მოქმედმა პრეზიდენტმა დონალდ ტრამპმა არჩეულ პრეზიდენტს ჯო ბაიდენს „ყალბი პრეზიდენტი“ უწოდა, შეერთებული შტატებში გამართული არჩევნები კი მესამე მსოფლიოს ქვეყნების ლიდერების არჩვენებს შეადარა.

 „ახალგაზრდა სამხედრომ, რომელიც ავღანეთში მსახურობდა, მითხრა, რომ ავღანეთში არჩევნები გაცილებით უსაფრთხოდ და უკეთესად ტარდება, ვიდრე აშშ-ში 2020 წლის არჩევნები ჩატარდა. ჩვენი არჩევნები... ფოსტით გაგზავნილი ბიულეტინები იყო მესამე მსოფლიოს ქვეყნების არჩევნები. „ყალბი პრეზიდენტი!“- წერს ტრამპი Twitter-ზე.

აშშ-ში საპრეზიდენტო არჩევნები 3 ნოემბერს გაიმართა. კენჭისყრაში ყოფილმა ვიცე-პრეზიდენტმა ჯო ბაიდენმა გაიმარჯვა, თუმცა მოქმედი პრეზიდენტი დონალდ ტრამპი დამარცხებას არ აღიარებს. გამარჯვებულს კონგრესი ოფიციალურად 6 იანვარს გამოაცხადებს. ინაუგურაცია 20 იანვარს გაიმართება.