ნიკოლ ფაშინიანმა განაცხადა, რომ მზად არის სომხეთის პრემიერ მინისტრის პოსტი დატოვოს, იმ შემთხვევაში თუ ამას ხალხი გადაწყვეტს. თუმცა ამბობს, რომ ხალხის ნების შემთხვევაში მზად არის ამ თანამდებობაზე დარჩეს.

 „ასევე მზად ვარ ხალხის მიერ ნდობის გამოცხადების შემთხვევაში შემდეგშიც გავაგრძელო ქვეყნის სათავეში ყოფნა სომხეთისთვის ამ  მძიმე დროს“, - დაწერა მან ფეისბუქზე.  

ერევანში საპროტესტო აქციები თვეზე მეტია მიმდინარეობს. დემონსტრანტები ფაშინიანის გადადგომას ყარაბაღში ცეცხლის შეწყვეტის შესახებ ხელშუკრულების ხელმოწერის შედეგად ითხოვენ. ოპოზიციურმა ძალებმა, რომლებიც მთავრობის კაბინეტის გადადგომას მოითხოვენ, პრემიერის პოსტზე ყოფილი პრემიერის ვაზგენ მანუკიანის კანდიდატურა წამოაყენეს. ყოველდღე საპროტესტო აქციები ოპოზიციის მხარდამჭერთა დაკავებებით სრულდება.