კორონავირუსის ახალი სახეობის გავრცელების გამო დიდ ბრიტანეთთან საჰაერო მიმოსვლა 20-მდე ქვეყანამ შეწყვიტა.

ვირუსის მუტაცია ქვეყანაში დეკემბრის შუა რიცხვებში დაფიქსირდა. ბრიტანეთის ჯანდაცვის სამინისტროში განაცხადეს, რომ ახალი SARS-CoV-2 გაცილებით სწრაფად ვრცელდება და  განსაკუთრებით ლონდონში დომინირებს. ბრიტანეთის პრემიერ მინისტრმა ბორის ჯონსონმა განაცხადა, რომ ეს შტამი 70 პროცენტით უფრო გადამდებია, ვიდრე კორონავირუსის პირველი  ვარიანტი.

პირველად გაერთიანებულ სამეფოსთან პირველ იანვრამდე ავიამიმოსვლის შეწყვეტის შესახებ ნიდერლანდებმა განაცხადა. მალევე ბრიტანეთთან საზღვარი ჩაკეტა ბელგიამაც.

ბრიტანეთთან ავიამიმოსვლა ასევე შეწყვიტა იტალიამ, გერმანიამ, ბულგარეთმა, ირლანდიამ, ლიეტუვამ, ლატვიამ, ფინეთმა და ხორვატიამ.

ყველანაირი სატრანსპორტო მიმოსვლა 48 საათით შეწყვიტა საფრანგეთმა. შვედეთმა კი ბრიტანეთიდან მოქალაქეების შესვლა აკრძალა, საბერძნეთმა შემოიღო შვიდდღიანი კარანტინი ამ ქვეყიდან ჩასულებისთვის, კვიპროსმა - ორკვირიანი, ხოლო ესპანთმა გაამკაცრა კონტროლი გართიანებული სამეფოდან ჩამსვლელთათვის.

ევროკავშირის ქვეყნების გარდა, ავიამიმოსვლა შეწყვიტა თურქეთმა, შვეიცარიამ, კანადამ, ისრაელმა და არგენტინამ, საუდის არაბეთმა  ერთი კვირით მთლიანად ჩაკეტა საზღვრები და ყველა საერთაშორისო რეისი გააუქმა.