გამარჯვებულად გამოცხადებულ დემოკრატ ჯო ბაიდენსა და მოქმედ პრეზიდენტ დონალდ ტრამპს შორის სხვაობა აშშ-ის საპრეზიდენტო არჩევნებზე 7 მილიონამე გაიზარდა. ინფორმაციას სოციოლოგიური კომპანია  Cook Political Report-ი ავრცელებს.

მისი მონაცემებით, ბაიდენს ამ მომენტისთვის 81 264 673 ხმა აქვს, ხოლო ტრამპს  - 74 210 838. ზოგიერთ შტატში - მათ შორის ნიუ ოორკსა და კალიფორნიაში ხმების დათვლის პროცესი ჯერ კიდევ მიმდინარეობს.

ამგვარად, ბაიდენი ტრამპს 4,4 პროცენტით უსწრებს.

აშშ-ის საპრეზიდენტო არჩევნები 3 ნოემბერს გაიმართა.

ტრამპი უარს აცხადებდა არჩევნებში მარცხის აღიარებაზე და გაყალბების შესახებ იუწყებოდა, კონკრეტული მტკიცებულებების გარეშე.

პრეზიდენტმა ტრამპმა და მისი იურისტების ჯგუფმა არაერთი სამართლებრივი დავა წამოიწყეს არჩევნების შედეგების შესაცვლელად, მაგრამ უმეტესობა მათგანი კრახით დასრულდა.

ორი კვირის წინ დონალდ ტრამპი საბოლოოდ დათანხმდა არჩეული პრეზიდენტის, ჯო ბაიდენისთვის ხელისუფლების გადაბარების ფორმალური პროცესის დაწყებას.