მოლი გიბსონი 2020 წლის ოქტომბერში დაიბადა, მაგრამ ამისთვის მას მთელი 27 წელი დასჭირდა. ემბრიონი, საიდანაც მოლი გაჩნდა, 1992 წლის ოქტომბერში გაყინეს, საცავში ის 2020 წლის თებერვლამდე ინახებოდა, ვიდრე ტინა და ბენ გიბსონებმა მოლის მშობლებად გახდომა არ გადაწყვიტეს.

მოლიმ ახალი რეკორდი დაამყარა: მისმა ემბრიონმა გაყინულ მდგომარეობაში მსოფლიოში ყველაზე მეტი დრო გაატარა. მანამდე ეს რეკორდი ეკუთვნოდა მოლის უფროს დას ემის.

 „ბედნიერებისგან მეცხრე ცაზე ვარ, დღემდე  ცრემლებს ვერ ვიკავებ, როდესაც ამის შესახებ ვსაუბრობ, ხუთი წლის წინ ვინმეს რომ ეთქვა, რომ ერთი კი არა, ორი ქალიშვილი მეყოლებოდა, ვერ დავიჯერებდი“, - ამბობს 29 წლის ტინა გიბსონი.

ტინას და მის ქმარს შვილი ხუთი წელი არ უჩნდებოდათ. თუმცა ტინას მშობლებმა ადგილობრივი ტელევიზიით ნახეს სიუჟეტი გაყინული ემბრიონების იმპლატანციის შესაძლებლობის შესახებ.

 „ეს ერთადერთი მიზეზია, რომლის გამოც საჯაროდ საუბარი გადავწყვიტეთ. ჩემს მშობლებს ეს სიუჟეტი რო არ ენახათ, არაფერი მოხდებდა“, - ამბობს ტინა.

ტინა გიბსონი სკოლის მასწავლებელია. ის და მისი 36 წლის ქმარი ბენი, რომელიც კიბერუსაფრთხოების სპეციალისტია, დაუკავშირდნენ ქრისტიანულ არასამთავრობო ემბრიონების დონორთა ეროვნულ ცენტრს(NEDC), რომელიც ტენესის შტატის ქალაქ ნოქსვილში მდებარეობს. ცენტრში გაყინული ემბრიონები ინახება, რომლებიც მშობლებმა უნაყოფო ოჯახებს დაუტოვს.

ტინას და ბენის მსგავს ცოლქ-მარს შეუძლიათ ასეთი ემბრიონების მშობლები გახდნენ. NEDC-ის  ცნობით, აშშ-ში მილიონამდე ადამიანის გაყინული ემბრიონი ინახება.

წყარო: ბი ბი სი