საქართველოში კორონავირუსის აქტიური შემთხვევებიდან 943 პაციენტის მდგომარეობა მძიმეა, აქედან 367 პირი ხელოვნური სუნთქვის აპარატზე იმყოფება.

„ამ ეტაპზე ინფიცირების მიმდინარე აქტიური შემთხვევა არის 21 063. მათ შორის, 6 373 ადამიანი მკურნალობს საავადმყოფოში, მათგან თბილისის საავადმყოფოებში – 2 741, აჭარაში – 1 019, იმერეთში -1 261. ამ ეტაპზე მძიმე პაციენტია 943 პირი, მათ შორის, თბილისში 429, აჭარაში – 167, იმერეთში – 190. მათგან ხელოვნური სუნთქვის აპარატზე იმყოფება 367 პირი, თბილისში – 181, აჭარაში – 56, იმერეთში – 37.

3 945 ადამიანი მოთავსებულია კოვიდ-სასტუმროში, მათ შორის 1311 თბილისში, 2 058 აჭარაში, 284 იმერეთში. 10 745 პირი ვირუსის მკურნალობის კურსს გადის საცხოვრებელ ბინაზე. საკარანტინე სივრცეებში მოთავსებულია 2 033 ადამიანი, მათ შორის, თბილისში – 391, აჭარაში -1 055, ხოლო იმერეთში – 35. 6 ოქტომბრიდან 28 ნოემბრის პერიოდში, სახელმწიფო საზღვრიდან საკარანტინე სივრცეებში სულ გადაყვანილია 18 882 პირი. ამ ეტაპისთვის თვითიზოლაციაში იმყოფება 54 464 ადამიანი, მათ შორის თბილისში 18 845 პირი, აჭარაში 13 353, იმერეთში 4 578“, – ნათქვამია მთავრობის ადმინისტრაციის პრესსამსახურის მიერ გავრცელებულ ინფორმაციაში.