არიზონას შტატში, მარიკოპის ოლქში საარჩევნო ცენტრის შენობაში დონლად ტრამპის მომხრეებმა შეჭრა სცადეს. ინფორმაციას ადგილობრივი მედია ავრცელებს.

ტელერახ  ABC15-ის ცნობით, ტრამპის მხარდამჭერები შეიკრიბნენ საარჩევნო ცენტრთან, სადაც ხმების დათვლა მიმიდინარეობდა და შენობაში შეჭრა სცადეს. რამდენიმე მათგანმა ცენტრში შეღწევა მოახერხა. ისინი ხმების დათვლასთან დაკავშირებით პასუხებს ითხოვდენ, თუმცა მათ შენობა დაატოვებინეს.

ტელერახი NBC იუწყება, რომ შეკრებილი იყო დაახლოებით 300 ადამიანი. მათ ხელში დროშები და ტარნსპარანტები ეჭირათ. ისმოდა შეძახილები, რომ ტრამპს ხმები მოპარეს. გაზეთი New York Times-ი  წერს, რომ ზოგიერთი მათგანი შეიარაღებული იყო.

საარჩევნო ცენტრმა არეულობის გამო შენობა დახურა.

ამასთან ცენტრმა Twitter-ზე დაწერა, რომ ინციდენტის მიუხედავად, ხმების დათვლა გრძელდება.

მედიის ინფორმაციით, გადამწყვეტი მნიშვნელობის არიზონას შტატში დემოკრატების კანდიდატი ჯო ბაიდენი ლიდერობს. მას საარჩევნო კოლეგიის წევრთა 11 ხმა აქვს. ბაიდენი 1948 წლის შემდეგ მეორე დემოკრატი-კანდიდატია, რომელმაც ამ შტატში გაიმარჯვა.

ტელეარხ Fox News-ის მონაცემებით, ხმათა 88 პროცენტის დათვლის შემდეგ არიზონას შტატში ბაიდენს ხმების 50,5 პროცენტი აქვს, ხოლო ტრამპს - 48,1%.

ამ მომენტისთვის აშშ-ის საპრეზიდენტო არჩევნებში ბაიდენი ლიდერობს. მას კოლეგიის საჭირო 270-დან -  264 ხმა აქვს, დონალდ ტრამპს კი 214.