ევროკავშირმა ოპოზიციონერ ალექსეი ნავალნის მოწამვლის გამო რუსეთის წინააღმდეგ სანქციები დააწესა. სანქციები შეეხება რუსეთის ექვს მოქალაქესა და ერთ ორგანიზაციას. იუწყება Bloomberg-ი.

 „ევროკავშირი ექვს რუს თანამდებობის პირს უყინავს აქტივებსა და უკრძალავს ევროკავშირში შესვლას“, - ნათქვამა განცხდებაში.

ინფორმაციაში აღნიშნულია, რომ სანქციები ძალაში,  გამოქვეყნების შემდეგ, 15 ოქტომბრიდან შევა.

მანამდე გერმანულმა გაზეთმა Süddeutsche Zeitung-მა (SZ) იმ პირების სია გაასაჯაროვა, რომლებსაც სანქციები შეეხო. გამოცემის ინფორმაციით, სანქციები შეეხება შვიდ პირსა და ერთ ორგანიზაციას. ფიზიკურ პირებს შორის არიან „ფე-ეს-ბეს“ დირექტორი ალექსანდრ ბორტნიკოვი, პუტინის ადმინისტრაციის ხელმძღვანელის პირველი მოადგილე სერგეი კირიენკო, რუსეთის თავდაცვის მინისტრის მოადგილეები ალექსეი კრივორუჩკო და პაველ პოპოვი, რუსეთის პრწზიდენტის საშინაო პოლიტიკის უწყების ხელმძღვანელი ანდრეი იარინი და რუსეთის პრეზიდენტის სრულუფლებიანი წარმომადგენელი ციმბრის ფედერალურ ოლქში სერგეი მენიაილო. მათ ევროკავშირის ტერიტორაიზე შესვლა აეკრძლებათ და აქტივები გაეყინებათ.

ამის გარდა სანქციები დაეკისრება პუტინთან დაახლოებულ ოლიგარქს ევგენი პრიგოჟინს, რომელსაც დამოუკიდებელი მედია „პუტინის მზარეულს“ უწოდებს.  გამოცემა აღნიშნავს, რომ პრიგოჟინი არაერთგზის ემუქრებოდა ნავალნის და სიაშიც რუსი ოპოზიციონერის მოწამვლის გამო მოხვდა.

გერმანული გაზეთის მონაცემებით, სანქცირებულთა სიაშია რუსეთის ორგანული ქიმიისა და ტექნოლოგიების  სახელმწიფო სამეცნიერო-კვლევითი ინსტიტუტი, რომლის ფილიალშიც მომწამვლელი ნივთიერება „ნოვიჩოკი“ მზადდებოდა. სწორედ აღნიშნული ნივთიერება იყო გამოყენებული ნავალნის წინააღმდეგ.