გერმანიის კანცლერი ანგელა მერკელი სომხეთის პრემიერ მინისტრ ნიკოლ ფაშინიანსა და აზერბაიჯანის პრეზიდენტს ილჰამ ალიევს ტელეფონით ესაუბრა. ინფორმაციას გერმანიის მთავრობის წარმომადგენელი შტეფენ ზაიბერტი ავრცელებს.

მხარეებმა აზერბაიჯანსა და სომხეთს შორის კონფლიქტის გამწვავებაზე ისაუბრეს.

 „კანცლერმა აღნიშნა, რომ აუცილებელია ცეცხლის დაუყოვნებლივ შეწყვეტა და მოლაპარკებების მაგიდასთან დაბრუნება“, - განაცხადა ზაიბერტმა.

მოლაპრაკებების მოედანს ეუთოს მინსკის ჯგუფი სთავაზობს. ზაიბერტმა აღნიშნა, რომ მეზობელმა ქვეყნებმა მონაწილეობა უნდა მიიღონ კონფლიქტის მშვიდობიან დარეგულირებაში.

ფაშინიანმა მერკელს მოუწოდა თურქეთის ჩართულობის გარეშე გააძლიეროს ძალისხმევა ყარაბაღის პროცესის დარეგულირების საკითხში. მერკელმა ხაზი გაუსვა, რომ „მთიანი ყარაბაღის კონფლიქტის მშვიდობიანი გზით დარეგულირებას ალტერნატივა არ აქვს“.

ყარაბაღის კონფლიქტის ზონაში, შეხების ხაზზე სამხედრო მოქმედებები 27 სექტემბერს დაიწყო. სომხეთი და აზერბაიჯანი საბრძოლო მოქმედებების დაწყებაში ერთმანეთს ადანაშაულებენ.

27 სექტემბერს, აზერბაიჯანის თავდაცვის სამინისტრომ განაცხდა, რომ სომეხმა სამხედროებმა ცეცხლი გაუხსნეს დასახლებულ პუნტქებს ყარაბაღის კონფლიქტის ზონაში. სომხეთი კი თავის მხრივ იუწყებოდა, რომ აზერბაიჯანმა ყარაბაღში საჰაერო და სარაკეტო იერიშები მიიტანა. ორივე ქვეყანაში საომარი მდგომარეობაა გამოცხადებული.