კორონავირუსით ინფიცირებული პაციენტებიდან, 20 პაციენტის მდგომარეობა კრიტიკულად მძიმეა, - განაცხადა თბილისის ინფექციური საავადმყოფოს ბოქსირებული განყოფილების უფროსმა, მარინა ენდელაძემ.

მისი თქმით, შემთხვევების რაოდენობა დასტაბილურდა და მატება არ არის.

"საერთო ჯამში, გამოჯანმრთელებულთა რაოდენობა გახლავთ 1906. შესაბამისად, 3348 პაციენტი გადის ამჟამად მკურნალობას კოვიდ ცენტრებში, ასევე სასტუმროებსა და მცირე რაოდენობით გახლავთ ბინაზე დატოვებული პაციენტები. 3348 პაციენტიდან კრიტიკულად მძიმეა 20 პაციენტი, მათ შორის 17 არის მართვით სუნთქვაზე", - ამბობს ენდელაძე.

მისივე თქმით, განაწილების მხრივ, 66% აჭარაშია ინფიცირებული. კორონავირუსის​ ახალი 294 შემთხვევიდან 193 აჭარაში გამოვლინდა, 43 - თბილისში, გურიაში- 16 , იმერეთში -14, სამეგრელო-ზემოსვანეთში -11, 5-5 სამცხე ჯავახეთსა და ქვემო-ქართლში, 4 შიდა-ქართლში, 2- კახეთში, 2 - მცხეთა მთიანეთში.

27 სექტემბრის მონაცემებით, სულ საქართველოში კორონავირუსის 5 254 შემთხვევაა დადასტურებული, მათგან 1 906 პაციენტი გამოჯანმრთელდა, 28 კი გარდაიცვალა.