გარდაბანში სარწყავ არხში 35 წლის მამაკაცის ცხედარი იპოვეს
გარდაბანში სოფელ ნაგებში მაშველებმა 35 წლის მამაკაცი, სარწყავი არხიდან დამხრჩვალი ამოიყვანეს. ცხედარი რუსთავის პროზექტურაში გადაასვენეს.
მამაკაცი მამასთან ერთად სათევზაოდ იყო წასული, რა დროსაც ის სარწყავ არხში ჩავარდა.
საქმე აღძრულია 115-ე, თვითმკვლელობამდე მიყვანის მუხლით.
ადგილზე საგანგებო სიტუაციების მართვის სამსახურის ორი ეკიპაჟი მუშაობდა. სამძებრო სამუშაოებში ჩართული იყვნენ მაშველები და მყვინთავები. წყლის დონის დასაკლებად გადაკეტეს არხიც.
