კორონავირუსის 7 ახალი შემთხვევიდან ორის ინფიცირების წყარო უცნობია
კორონავირუსის შვიდი ახალი შემთხვევიდან სამი დადასტურებული შემთხვევის კონტაქტია, ორი იმპორტირებული შემთხვევაა, ორის წყარო კი უცნობია და ეპიდკვლევა მიმდინარეობს. ამის შესახებ თბილისის ინფექციური საავადმყოფოში განაცხადეს.
საქართველოში ბოლო დღე-ღამეში კორონავირუსის შვიდი ახალი შემთხვევა გამოვლინდა და ინფიცირებულთა რაოდენობა 1469-ს შეადგენს. გამოჯანმრთელდა 25 პაციენტი. კარანტინის რეჟიმში იმყოფება 5 924 მოქალაქე, სტაციონარში მეთვალყურეობის ქვეშ – 209.
უცხოეთიდან სამკურნალოდ გადმოყვანილია საქართველოს 41 მოქალაქე.
კორონავირუსის შედეგად ქვეყანაში 19 პაციენტი დაიღუპა.
