ქორწილში, ქელეხში, ნათლობაზე, იუბილესა და სხვა თავყრილობაზე მყოფი თითოეული ფიზიკური პირი 2 000 ლარით დაჯარიმდება, ხოლო იურიდიული პირი - 10 000 ლარით. განაცხადა პარლამენტის იურიდიულ საკითხთა კომიტეტის თავმჯდომარის ანრი ოხანაშვილმა.

მისივე განცხადებით მსგავსი ტიპის და სხვა სოციალური ღონისძიებების მიმართ შეზღუდვები 15 ივლისამდე იმოქმედებს.

ანრი ოხანაშვილმა კიდევ ერთხელ შეახსენა საზოგადოებას, რომ ქორწილის, ქელეხის თუ სხვა თავყრილობის გამართვა, 10-ზე მეტი პირის შეკრების შემთხვევაში, გამოიწვევს დაჯარიმებას.

"ფიზიკური პირის მიმართ 2000 ლარიანი ჯარიმა, ყველა იქ მყოფი პირის მიმართ, ასევე იურიდიული პირის მიმართ 10 ათას ლარიანი ჯარიმა", - დასძინა ოხანაშვილმა.