ორი ადამიანი დაიღუპა და ორი დაშავდა ჩიკაგოს გარეუბანში არეულობების შედეგად, რომელიც აფროამერიკელ ჯორჯ ფლოიდის გარდაცვალებას მოჰყვა.

გავრცელებული ცნობით, ინციდენტი პატარა ქალაქ სისეროში მოხდა. ხელისუფლების წარმომადგენელებმა აღნიშნული ინფორმაცია ოფიციალურად დაადასტურეს.

ამასთან, დაკავებულია 60-მდე ადამიანი.

აშშ-ის ქალაქებში საპროტესტო გამოსვლები და უწესრიგობები მინეაპოლისში აფროამერიკელის ჯორჯ ფლოიდის გარდაცვალების შემდეგ დაიწყო, რაშიც პოლიციელს ადანაშაულებენ.

სოციალურ ქსელში გავრცელებულ ვიდოში ჩანს კადრები, სადაც პოლიციელები ხელბორკილებს ადებენ ფლიოდს და ძირს აწვენენ, ერთ-ერთი პოლიციელი მას მუხლით კისერზე აწვება. ფლოიდი პოლიციელს რამდენჯერმე ეუბნება, რომ ვერ სუნთქვას, რამდენიმე წუთის შემდეგ კი ჩუმდება. ის საავადმყოფოში გარდაიცვალა. არეულობების დაწყების შემდეგ გაათავსუფლეს ოთხი პოლიციელი, ერთ-ერთი მათგანის კი გაუფრთხილებლობით ჩადენილ მკვლელობაში დასდეს ბრალი.