იტალიაში კორონავირუსით ბოლო 24 საათში 482 ადამიანი დაიღუპა. საერთო ჯამში გარდაცვლილთა რაოდენობა 23 227-მდე გაზარდა. სიკვდილობის ასეთი დაბალი მაჩვენებელი იტალიაში უკვე მეორედ დაფიქსირდა, 12 აპრილს 431 ადამიანი გარდაიცვალა.

წინა 24 საათში კორონავირუსით 575 ადამიანი დაიღუპა.

ინფიცირებულთა რაოდენობა ბოლო დღე-ღამეში 809-ით მოიმატა და 175 900-მდე გაიზარდა.

ამასთან, ბოლო 24 საათში გამოჯანმრთელდა 2 200 პაციენტი. ქვეყანაში საერთო ჯამში კორონავირუსი უკვე 44 771-მა ადამიანმა დაამარცხა.

ისევ იკლებს ინტენსიური თერაპიის განყოფილებებში მოთავსებული პაციენტებისა და ჰოსპიტალიზირებულთა რაოდენობა. ექსპერტების აზრით, ბოლო დღეების მონაცემები მოწმობს, რომ ეპიდემიოლოგიური მრუდი ქვევით ეშვება.