ესტონეთში ახალი კორონავირუსით ინფიცირებულთა რაოდენობა 41-მდე გაიზარდა. ინფორმაციას სოციალურ საქმეთა მინისტრი ტანელ კიიკი ავრცელებს.

ესტონეთის ხელისუფლებამ კორონავირუსის გავრცელების გამო ქვეყანაში საგანგებო მდგომარეობა გამოაცხადა, რომელიც 1 მაისამდე იმოქმედებს. დაიხურა მუზეუმები კინოთეატრები, თეატრები, გადაიდო წარმოდგენები, კონცერტები და კონფერენციები. სასაზღვრო-გამშვებ პუნქტებზე გამკაცრებულია კონტროლი.

11 მარტს ჯანდაცვის მსოფლიო ორგანიზაციამ კორონავირუსი პანდემიად გამოაცხადა.

ბოლო მონაცემებით, მსოფლიოს 110 ქვეყანაში კორონავირუსით 125 ათასი ადამიანი დაინფიცირდა, გარდაიცვალა 4 625, 68 ათასზე მეტი კი გამოჯანმრთელდა.

საქართველოში ამ დროისთვის კორონავირუსის 25 შემთხვევაა დადასტურებული.