31 წლის ქალს, რომელსაც კორონავირუსი დაუდასტურდა, ინფექციის სიმპტომები არ ჰქონდა - თენგიზ ცერცვაძე
პაციენტს, რომელსაც ახალი კორონავირუსი დაუდასტურდა, ინფექციის სიმპტომები არ ჰქონდა , - ამის შესახებ ინფექციური საავადმყოფოს დირექტორმა, თენგიზ ცერცვაძემ კორონავირუსის ახალ შემთხვევაზე საუბრისას განაცხადა.
„ პაციენტს არ აქვს არანაირი ჩივილი, არც მაღალი ტემპერატურა, თუმცა ლაბორატორიულმა კვლევამ კორონავირუსი დაადასტურა“, - თქვა ცერცვაძემ და აღნიშნა, რომ 31 წლის ქალი, იყო იტალიაში, იმ ქალაქებში, სადაც დიდი რისკი არ არის, თუმცა მას აღმოაჩნდა კორონავირუსი.
ამჟამად ინფექციურ საავამდყოფოშიი სულ 34 პაციენტი იმყოფება.
