პარლამენტთან საპროტესტო აქცია მიმდინარეობს. ოპოზიცია და აქტივისტები პარლამენტის შესასვლელებთან სირცხვილის კორიდორებს აწყობენ, რითაც გენერალურ პროკურორად ირაკლი შოთაძის კანდიდატურას აპროტესტებენ. დეპუტატების მანქანების პარლამენტის ეზოში შესვლისას აქტივისტები სკანდირებენ "მონა"-ს და საყვირებით გამოხატავენ პროტესტს.

აქციაზე დიდი რაოდენობით პოლიციელია მობილიზებული.

აქციაზე აქტივისტებსა და პოლიციის ერთერთ თანამშრომელს შორის სიტყვიერი დაპირისპირებაც მოხდა. პოლიციელმა მათ მოსთხოვა, გზის სავალი ნაწილი არ დაეკავებინათ. 

აქციის მონაწილეების თქმით კი, მათ არ შეუშლიათ ხელი არავისთვის, ვისაც საკანონმდებლო ორგანოში შესვლა სურდა.