ბათუმის სანაპიროზე ზღვამ ახალგაზრდა კაცის ცხედარი გამორიყა
გუშინ, 2 თებერვალს, ღამით, ბათუმის სანაპიროზე ზღვამ ახალგაზრდა კაცის ცხედარი გამორიყა. ინფორმაციას აჭარის საზოგადოებრივი მაუწყებელი ავრცელებს.
გარდაცვლილი კაცის ცხედარი თვითმხილველებმა შენიშნეს და 112 დარეკეს. შემთხვევის ადგილზე შესაბამის სამსახურის თანამშრომლები მივიდნენ და ცხედარი ექსპერტიზაზე, ლევან სამხარაულის ბიუროში გადაიყვანეს.
შინაგან საქმეთა სამინისტრო ამ ეტაპზე დამატებით ინფორმაციას არ ავრცელებს, სამართალდამცველებმა გამოძიება 115-ე მუხლით დაიწყო, რაც თვითმკვლელობამდე მიყვანას გულისხმობს.
