რუსეთი დანტერესებულია საქართველოსთან ურთიერთობების განვითარებით - კოსაჩევი
რუსეთი დაინტერესებულია საქართველოსთან ურთიერთობის ეტაპობრივად განვითარებით. ორი ქვეყნის ხალხი ითხოვს ურთიერთობების აღდგენას, - ამის შესახებ ფედერაციის საბჭოს საგარეო ურთიერთობათა კომიტეტის თავმჯდომარემ კონსტანტინ კოსაჩევმა განაცხადა.
6 დეკემბერს დაგეგმილია პარტია „ერთიანი საქართველო - დემოკრატიული მოძრაობის“ თავმჯდომარის ნინო ბურჯანაძისა და კონსტანტინ კოსაჩევის შეხვედრა. შეხვედრა რუსეთის ფედერაციის საბჭოს შენობაში გაიმართება.
ნინო ბურჯანაძე მოსკოვში 3 დეკემბერს გაემგზავრა. ის შეხვედრებს რუსეთის ხელისუფლებისა და ოპოზიციის წარმომადგენლებთან გეგმავს.
