ივანიშვილის პოლიტიკურმა კლოუნებმა გაიგონ საზოგადოების ხმა,  რომელსაც დიდი შეურაცხყოფა მიაყენეს , - ამის შესახებ „ევროპული საქართველოს“ წევრმა გიგა ბოკერიამ განაცხადა. მისი თქმით, ოპოზიციის წარმომადგენლები და აქტივისტები ყველა ბერკეტს გამოიყენებენ, რომ ხელისუფლების წევრებს ყველა ნაბიჯზე მაქსიმალური დისკომფორტი შეუქმნან. 

„სადაც ვიგებთ, რომ შედარებით ნაკლები დისკომფორტით შედიან ივანიშვილის, ამ სამარცხვინო ლიდერის პოლიტიკური კლოუნები შიგნით, მივდივართ, რომ ჩვენი ხმა გავაგონოთ, რომ იცოდნენ, ნორმალური პოლიტიკური ცხოვრება არ ექნებათ”, - განაცხადა ბოკერიამ.

ამ წუთებში პარლამენტში სესია მიმდინარეობს, შენობის მიმდებარე ტერიტორიაზე აქციის მონაწილეები იმყოფებიან.

აქციის მონაწილეებმა სირცხვილის დერეფანში გაატარეს
ავტომობილები, რომელშიც სავარაუდოდ საპარლამენტო უმრავლესობის დეპუტატები ისხდნენ. აქტივისტები მათ შეძახილებით დახვდნენ.

ხელისუფლებამ პარლამენტთან მშვიდობიანი საპროტესტო აქცია სპეციალური დანიშნულების რაზმის გამოყენებით დილის 5 საათზე დაშალა.