ჩემი აზრით, სტრასბურგის სასაართლოს გადაწყვეტილება სამწუხარო და სამოქალაქო თავისუფლებისთვის ძალიან არახელსაყრელი იყო, თუმცა მინდა, გავემიჯნო ყველას, ვინც ამ ინსტიტუტს თავს ესხმის და რაღაც შეთქმულების თეორიები აქვთ, რომ მოისყიდეს და ა.შ. ეს არის სისულელე  -ამის შესახებ ევროპული საქართველოს” ერთ-ერთმა ლიდერმა, გიგა ბოკერიამ „რუსთავი 2“-თან დაკავშირებით სტრასბურგის სასამართლოს გადაწყვეტილებაზე საუბრისას განაცხადა.

„ჩემი აზრით, სამწუხარო და სამოქალაქო თავისუფლებისთვის ძალიან არახელსაყრელი გადაწყვეტილება იყო, თუმცა აქვე მინდა, გავემიჯნო ყველას, ვინც ამ ინსტიტუტს თავს ესხმის და რაღაც შეთქმულების თეორიები აქვთ, რომ მოისყიდეს და ა.შ. ეს არის სისულელე, მაგრამ ეს არ ცვლის ჩემს დამოკიდებულებას თვითონ გადაწყვეტილების მიმართ. ყოფილა ისტორიაში ასეთი გადაწყვეტილებები, შემდეგ შეცვლილა. ამიტომ, სწორია დიდ პალატაში გასაჩივრება, მაგრამ ხაზს ვუსვამ, დასავლურ და თავისუფალი სამყაროს ინსტიტუტებს, მაშინაც კი, როცა არ მოგვწონს მათი გადაწყვეტილება, არავითარ შემთხვევაში არ შეიძლება, დავესხათ თავს. ეს საქართველოს ინტერესების საწინააღმდეგოა“, – განაცხადა გიგა ბოკერიამ.