რუსმა ოკუპანტებმა სოფელ ქვეშიდან 80 წლამდე მამაკაცი გაიტაცეს
რუსმა ოკუპანტებმა გორის მუნიციპალიტეტის სოფელ ქვეშიდან 80 წლის ამირან მელაძე გაიტაცეს, ის ადგილობრივი მცხოვრებია. მოსახლეობა ამბობს, რომ მოხუცი სატაცურის საკრეფად გუშინ წავიდა და უკან აღარ დაბრუნებულა.
სახელმწიფო უსაფრთხოების სამსახურის ცნობით, მამაკაცი ე.წ. საზღვრის უკანონო გადაკვეთის ბრალდებით არის დაკავებული და ის ცხინვალის იზოლატორში მოათავსეს. ამირან მელაძე საოკუპაციო ხაზის სიახლოვეს რუსმა სამხედროებმა მაშინ დააკავეს, როდესაც ის სატაცურს კრეფდა.
სუს-ის ცნობით, მომხდართან დაკავშირებით ინფორმაცია უკვე მიეწოდა ევროკავშირის სადამკვირვებლო მისიას.
