ვაკის პარკში ხანძარს მეორე მსოფლიო ომის ვეტერანი ემსხვერპლა
ვაკის პარკის ტერიტორიაზე გაჩენილ ხანძარს მეორე მსოფლიო ომის ვეტერანი, 101 წლის მამაკაცის სიცოცხლე ემსხვერპლა. ხანძარი სამამულო ომის მუზეუმის მეორე სართულის ერთ ოთახში გაჩნდა, სადაც 1918 წელს დაბადებული მამკაცი ცხოვრობდა.
მოხუცებული, სავარაუდოდ, კვამლმა გაგუდა. ხანძრის შედეგად სულ 20 კვ. მეტრის ფართობი დაიწვა.
მომხდარზე გამოძიება ნივთის დაზიანების ან განადგურების მუხლით მიმდინარეობს, რამაც ცეცხლის მოკიდებით ადამიანის სიცოცხლის მოსპობა გამოიწვია.
