გიო ხუციშვილი საბურთალოს სასაფლაოზე დაკრძალეს
მომღერალი და მსახიობი გიო ხუციშვილი საბურთალოს სასაფლაოზე დაკრძალეს.
გიო ხუციშვილის სამოქალაქო პანაშვიდზე იმყოფებოდნენ პარტია „ქართული ოცნების“ თავმჯდომარე ბიძინა ივანიშვილი, დედაქალაქის მერი კახა კალაძე, და საზოგადოების წარმომადგენლები.
მომღერლის სამოქალაქო პანაშვიდი საბურთალოს ქუჩაზე მდებარე ამაღლების სახელობის ტაძარში მიმდინარეობდა.
მომღერალი და მსახიობი გიო ხუციშვილი 56 წლის ასაკში, მძიმე ავადმყოფობის შედეგად 11 ივნისს გარდაიცვალა.
29 მაისს, თბილისის საკონცერტო დარბაზის წინ გიო ხუციშვილის სახელობითი ვარსკვლავი გაიხსნა.
