ფილარმონიასთან „ქართული მარშის“ აქტივისტები დააკავეს
ფილარმონიასთან „ქართული მარშის“, დაახლოებით, 12 აქტივისტი დააკავეს. ცოტა ხნის წინ პოლიციის სამმართველოში ტრისტან წითელაშვილი გადაიყვანეს.
როგორც ცნობილია, „ქართული მარშის“ წევრები სამართალდამცველების მიმართ დაუმორჩილებლობის გამო დააკავეს.
„ქართული მარშის“ წევრები აცხადებენ, რომ ხორავას ქუჩაზე მოკლული დავით სარალიძისმამას, ზაზა სარალიძეს მხარდაჭერას და სოლიდარობას უცხადებენ. ჯერჯერობით უცნობია, ისინი გადაინაცვლებენ თუ არა პარლამენტის შენობასთან, სადაც აქცია ლოზუნგით „ნუ მომკლავ!“ იმართება.
დიდ საკონცერტო დარბაზთან პოლიციაა მობილიზებული.
