პროკურატურასთან საქართველოს პირველი ლედი მაკა ჩიჩუა მივიდა.

მისი თქმით, ის პროკურატურასთან ზაზა სარალიძის მხარდასაჭერად და გვერდში დასადგომად მივიდა.

მისივე თქმით, პროკურატურასთან დგომა მისი მოქალაქეობრივი მოვალეობაა.

როგორც ჩიჩუამ აღნიშნა, გამოძიებასთან დაკავშირებით კითხვები არსებობს, რომელსაც პასუხი უნდა გაეცეს.

ცნობისთვის, პროკურატურასთან ამ წუთებში ზაზა სარალიძის მხარდამჭერი აქცია მიმდინარეობს.

შეგახსენებთ, ხორავას ქუჩაზე მომხდარი მკვლელობის საქმეზე მოსამართლემ გადაწყვეტილება დღეს გამოიტანა.

არასრულწლოვანი ბრალდებული გ.ბ. სარალიძის ჯგუფურ მკვლელობაში გამართლდა, მაგრამ დამნაშავედ იქნა ცნობილი დადუნაშვილის განზრახ მკვლელობაში. არასრულწლოვანი გ.ჯ. გამართლდა დავით სარალიძის განზრახ მკვლელობაში, მაგრამ დამნაშავედ ცნეს დავით სარალიძის მკვლელობის მცდელობისთვის.