დღეს აფხაზეთის დღე აღინიშნება. 23 მაისი – მოციქულ სვიმონ კანანელის ხსენების დღე, სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ რადენიმე წლის წინ აფხაზეთის დღედაც გამოაცხადა.

თარიღთან დაკავშირებით, რამდენიმე ღონისძიებაა დაგეგმილი – აფხაზეთის ა/რ რესპუბლიკის მთავრობის ინიციატივით, სვიმონ კანანელის ხსენების დღესთან დაკავშირებით სიონის საკათედრო ტაძარში პარაკლისი აღევლინება.

აფხაზეთის ა/რ რესპუბლიკის მთავრობის წარმომადგენლები აფხაზეთის დღესთან დაკავშირებით გმირთა მემორიალს გვირგვინით შეამკობენ.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, აფხაზეთის დღესთან დაკავშირებით, სიონის საკათედრო ტაძარში პარაკლისს დაესწრება.

აფხაზეთის დღის აღსანიშნავად, პარლამენტში გაიმართება გამოფენა სახელწოდებით – „ჩემი სახლი აფხაზეთში“.

დღის ბოლოს კი, შოთა რუსთაველის სახელობის სახელმწიფო დრამატულ თეატრში აფხაზეთის სიმღერისა ცეკვის სახელმწიფო ანსამბლის „აფხაზეთის“ საიუბილეო კონცერტი გაიმართება.