გამიმყარდება ეჭვი, რომ თუ „ბასიანის“ გახსნა კიდევ გადაიდო, ამ ყველაფერს აქვს პოლიტიკური სარჩული, – ამის შესახებ კლუბის ერთ-ერთმა დამფუძნებელმა ზვიად გელბახიანმა გამოკითხვიდან გამოსვლის შემდეგ განაცხადა.

გელბახიანი ამის მიზეზად იმას ასახელებს, რომ „ბასიანი“ და „თეთრი ხმაური“ ერთობლივი ძალებით არიან ჩართულები ამ სისტემის წინააღმდეგ.

„როგორც გავიგე, „გალერი“ გახსნილია და „ბასიანი“ კვლავ დახურულია, ეს ღიმილის მომგვრელია ჩემთვის, გამიმყარდება ეჭვი, რომ თუ „ბასიანის“ გახსნა კიდევ გადაიდო, ამ ყველაფერს აქვს პოლიტიკური სარჩული იქიდან გამომდინარე, რომ „ბასიანი“ და „თეთრი ხმაური“ ერთობლივი ძალებით არიან ჩართულები ამ სისტემის წინააღმდეგ. გამიჩნდება ეჭვი, რომ სწორედ ამიტომ არის გადადებული „ბასიანის“ გახსნა, სწორედ ამიტომ შეიძლება ჩავთვალოთ, რომ „ბასიანი“ ისჯება. იმედი მაქვს, შსს დროულად მოგვცემს კლუბში შესვლის საშუალებას. გუშინ დაგვირეკეს და გვითხრეს, რომ ზეგ მოგვეცემა საშუალება, მაგრამ მერე შეცვალეს პოზიცია. პოლიტიკური მესიჯები იკითხება მათ გადაწყვეტილებებში და იმედი მაქვს, რომ ეს ეჭვები არ გამართლდება”, – განაცხადა ზვიად გელბახიანმა.

ცნობისთვის, კაფე „გალერი“ გაიხსნა. შენობას სამართლადამცავებმა ლუქი უკვე მოხსნეს.