ქართველი მილიარდერის, საქართველოს ყოფილი პრემიერ-მინისტრის ქონება 2018 წელს გასულ წელთან შედარებით 100 მლნ აშშ დოლარით გაიზარდა. მსოფლიოს უმდიდრესი ადამიანების 2018 წლის რეიტინგი Forbes-მა გამოაქვეყნა. სულ რეიტინგში 2124 მილიარდერი მოხვდა, რაც წინა წელთან შედარებით (2014 – 2017 წ.) 81-ით მეტია.

ბიძინა ივანიშვილი ამ რეიტინგში 456-ე ადგილზეა და მისი ქონება 4.6 მლრდ აშშ დოლარს შეადგენს. ამავე გამოცემის რეიტინგის მიხედვით 2017 წელს ივანიშვილის ქონება 4.5 მლრდ აშშ დოლარს შეადგენდა.

რეიტინგის მიხედვით მსოფლიოს უმდიდრესი ადამიანი Amazon-ის დამფუძნებელი ჯეფ ბეზოსია. ის ისტორიაში პირველი ადამიანია, რომლის შემოსავალმაც 100 მლრდ მდოლარს გადააჭარბა. აღნიშნულია, რომ ბეზოსი მსოფლიოს უმდიდრეს ადამიანთა სამეულში პირველად გასულ წელს მოხდა.

მსოფლიოს უმდიდრეს ადამიანთა ათეული კი ასე გამოიყურება:

1. ჯეფ ბეზოსი - $112 მილიარდი
2. ბილ გეიტსი - $90 მილიარდი
3. უორენ ბაფეტი - $84 მილიარდი
4. ბერნარდ არნო - 72 მილიარდი
5. მარკ ცუკერბერგი - $71 მილიარდი
6. ამანსიო ორტეგა - $70 მილიარდი
7. კარლოს სლიმ ელუ - $67.1 მილიარდი
8. ჩარლზ კოხი - $60 მილიარდი
9. დევიდ კოხი - $60 მილიარდი
10. ლარი ელისონი - $58.5 მილიარდი

Forbes-ი უკვე 31 წელია აქვეყნებს მსოფლიოს უმდიდრეს ადამიანთა  ყოველწლიურ რეიტინგს.