ავსტრალიელმა პეტა ბატლერმა განაცხადა, რომ დედამისმა მისი გაუპატიურება დაგეგმა, როდესაც ის 16 წლის იყო.

გოგონას თქმით, დედამ ის უქმეებზე სასეინროდ წაიყვანა, ალკოჰოლით დაათრო და ჩაკეტა სასტუმროს ნომერში, სადაც იმ მომენტში მას უცნობი მამაკაცი ელოდა. ბატლერის თქმით, მამაკაცმა ის სასტიკად გააუპატიურა, იმის მიუხედავად, რომ გოგონა ეწინააღმდეგებოდა, დედა კი კარს უკან იდგა და თამბაქოს ეწეოდა.

გოგონამ ამის შესახებ აქამდე მხოლოდ იმის გამო არ გაამხილა, რომ ფიქრობდა, რომ არავინ დაუჯერებდა. საიდუმლოს გამჟღავნება მხოლოდ მას შემდეგ გადაწყვიტა, რაც ორი შვილი შეეძინა. მან დედას ტელეფონზე დაურეკა და აიძულა ყველაფერი მოეყოლა, მისი საუბარი კი დიქტოფონზე ჩაიწერა.

შედეგად ბატლერის დედა დააკავეს და ოთხწლიანი პატიმრობა მიუსაჯეს. მოძალადის პოვნა კი ვერ მოხერხდა.

ახლა ბატლერი 26 წლისაა.