ბრიტანეთის პრინცმა ჰარიმ და მისმა საცოლემ ამერიკელმა მსახიობმა მეგან მარკლიმ უინძორის სასახლეში თავიანთ ქორწილში 2 640 რიგითი მცხოვრები დაპატიჟეს. ამის შესახებ კენსინგტონის სასახლეში განაცხადეს.

ჯვრისწერა 19 მაისს წმინდა გიორგის სახელობის სამრეკლოში გაიმართება. ცერემონიას წყვილის ნათესავები და მეგობრები, ევროპის სამეფო ოჯახები და ოფიციალური პირები დაესწრებიან. ცერემონიის შემდეგ კი ახალდაქორწინებულები უინძორის ცენტრისკენ გაემართებიან, სადაც გაცილებით დიდი რაოდენობით სტუმარს ზეიმში მონაწილეობის შესაძლებლობას მისცემენ.

მიწვულ სტუმრებს შორის ასევე იქნება 1200 ახალგაზრდა, რომლებამც სხვადასხვა სფეროში თავი ლიდერობით გამოიჩინეს. ქორწილში ყოფნის პატივი ასე ექნება სხვადასხვა საქველმოქმედო ორგანიზაციის 200 წარმომადგენელს, ადგილობრივი სკოლების 100 მოსწავლეს და სამეფო სასახლეების ათასზე მეტ თანამშრომელს.

პოპულარული სერიალის „ფორს-მაჟორის“ ვარსკვლავმა მეგან მარკლიმ პრინცზე გათხოვების სანაცვლოდ სამსახიობო კარიერაზე უარი თქვა. ჯვრისწერამდე მან ასვე უარი უნდა თქვას კათოლიკობაზე და ინგლისის ეკლესიის მრევლს შეურთდეს. ქორწილის შემდეგ პრინცი ჰარი და მისი მეუღლე ელისაბედ მეორისგან ახალ - სასექსის ჰერცოგისა და ჰერცოგინიას ტიტულებს მიიღებენ. ქორწილის შემდეგ მეგანი და ჰარი აპირებენ მეტი დრო გაატარონ საერთაშორისო თანამეგობრობის ქვეყნებში და დაკავდნენ ქველმოქმედებით.