გაერო-ს უშიშროების საბჭომ სირიაში ცეცხლის შეწყვეტის 30-დღიანი რეჟიმის გამოცხადების შესახებ რეზოლუცია მიიღო
გაერო-ს უშიშროების საბჭომ სირიაში ცეცხლის შეწყვეტის 30-დღიანი რეჟიმის გამოცხადების შესახებ, რეზოლუცია ერთხმად მიიღო, -ამის შესახებ ინფორმაციას CNN ავრცელებს. გაერო ამ ვადას სირიაში ჰუმანიტარული დახმარების ჩასატანად და დაჭრილების ევაკუაციისთვის გამოიყენებს.
დოკუმენტის ავტორები შვედეთი და ქუვეითი არიან. რეზოლუციის თანახმად, ცეცხლის შეწყვეტის რეჟიმი არ გავრცელდება ე.წ. „ისლამურ სახელმწიფოსა“ და სხვა ტერორისტულ დაჯგუფებებზე.
რეზოლუციის მიღება რუსეთის წინააღმდეგობის გამო ორჯერ გადაიდო.
