აეროპორტში თვითმფრინავს ცეცხლი გაუჩნდა - ევაკუირებულია 140-ზე მეტი ადამიანი
კალიფორნიის აეროპორტში ავიაკომპანია Southwest Airlines-ის თვითმფრინავს ცეცხლი გაუჩნდა. ევაკუირებულია 140-ზე მეტი ადამიანი. აეროპორტის ხელმძღვანელობის განცხადებით, დაშავებულია რამდენიმე პირი.
ავიაკომპანია Southwest Airlines-ის რეისი სან-ხოსეში ჯონ უეინის სახელობის აეროპორტიდან უნდა შესრულებულიყო. მგზავრებისა და ეკიპაჟის წევრების ევაკუაციისთვის საჭირო გახდა ავარიული ტრაპის გამოყენება.
ცეცხლი სავარაუდოდ თვითმფრინავის დამხმარე ელქტროგანყოფილებაში გაჩნდა. დაშავებულების რაოდენობა უცნობია.
ხანძარი ლიკვიდირებულია. ინციდენტის სხვა გარემოებები უცნობია.
