ამსტერდამის ხელისუფლებამ ტურისტებს ცნობილ „წითელი ფარნების კვარტალში“ გადაადგილება შეუზღუდა. ამიერიდან ქალქის სტუმრები ვერ შეძლებენ ვიტრინებში მეძავების დათვალიერებას და მათთვის ფოტოების გადაღებას. ამის გარდა, კვარტლის ტერიტორიაზე აიკრძალა ალკოჰოლისა და ნარკოტიკების მოხმარება. ამის შესახებ NL Times-ი წერს.

ახალი წესების შემოღება იმისთვის გახდა საჭირო, რომ შეზღუდულიყო უცხო პირების ჩარევა სექს-მომსახურების ინდუსტრიაში მომუშავეების პირად ცხოვრებაში.

უცხოელების ქმედებებზე პასუხისმგებელი ექსკურსიამძღოლი იქნება. ის „გარყვნილების ზონაში“ შესვლისას ყურადღებას მიაქცევს ტურისტებს, რათა ისინი ზურგით დადგნენ ვიტრინების პირდაპირ. ექსკურსია „წითელი ფარნების კვარტალში“ 23 საათამდე უნდა დასრულდეს, ტურისტულ ჯგუფებში კი ადამიანების რაოდენობამ 20-ს არ უნდა გადააჭარბოს.  

წესების დაუცველობის შემთხვევაში გიდი 190-დან 950 ევრომდე დაჯარიმდება.

ნიდერლანდებში ნებადართულია პროსტიტუცია და ბორდელები, თუმცა ნებისმიერ კუთხეში სექს-მომსახურების გაწევა აკრძალულია, ამისთვის სპეციალური ადგილებია გამოყოფილი.