ქართული საზოგადოება, მედიის ძალიან აქტიური მუშაობის შედეგად, რუსულ პროპაგანდასთან ჯერჯერობით არის მოგებული, - ამის შესახებ საქართველოს პრეზიდენტმა გიორგი მარგველაშვილმა გორში, ეროვნული უსაფრთხოების არქიტექტურისა და მედეგობისთემაზე მიმდინარე სტრატეგიულ დისკუსიაზე სიტყვით გამოსვლისას განაცხადა.

,,დამოუკიდებლობის პირველი დღიდან საქართველოს არ ჰყოლია ხელისუფლება, რომელიც არ იქნებოდა ქვეყნის ძირითადი ინტერესების სამსახურში და არ იქნებოდა ევროპული და ევროატლანტიკური ორიენტაციის მომხრე. ეს არის ის ფაქტორი, რომელიც ჩვენ ისტორიულ რეალობას წარმოადგენს. თუ სადმე ეფექტური უნდა ყოფილიყო რუსული პროპაგანდა, უნდა ყოფილიყო პოსტსაბჭოთა სივრცეში და იმ ქვეყანაში, რომელიც ყველაზე მეტად იყო დაპირისპირებული მოსკოვთან და იმასთან, რისი პროპაგანდაც უნდოდა საბჭოთა კავშირის დაშლის მერე რუსულ პოლიტიკურ ელიტას. ქართული საზოგადოება, მათ შორის მედიის ძალიან აქტიური მუშაობის შედეგად, ამ პროპაგანდაში ჯერჯერობით არის მოგებული",- განაცხადა პრეზიდენტმა.