თურქეთის უსაფრთხოების ძალებმა „ისლამური სახელმწიფოს“ მებრძოლი დააკავეს, რომელიც პასუხისმგებელი იყო მედიაში ინფორმაციის გავრცელებაზე. ამის შესახებ სააგენტო DHA იუწყება.

22 წლის სირიელი აბდულნასით აბდულაზიზ ჰამუდი დაკავებული იყო მედიაში დაჯგუფების საქმიანობის შესახებ ცნობების გავრცელებით, ასევე ზრუნავდა ფართო საზოგადოების თვალში ტერორისტების საშიში იმიჯის შექმნაზე.

წინასწარ დადგენილია, რომ ჰამუდი უკანონოდ ჩავიდა სირიის ქალაქ ალეპოდან თურქეთის ჰათაის პროვინციაში, იქიდან კი ქოჯაელის პროვინციაში გადავიდა, სადაც ძალოვანებმა დააკავეს.

ის ყალბი საბუთებით გადაადგილდებოდა და თურქეთის ტერიტორიაზე  დაქირავებულ სახლში ცხოვრობდა. სპეცსამსხურები მასზე თვალთვალს დიდი ხნის განმავლობაში აწარმოებდნენ. დაკავებულს ბრალს მალე წაუყენებენ.