იტალიაში მატარებელი რელსებიდან გადავიდა - არის მსხვერპლი
სულ მცირე ორი ადამიანი დაიღუპა და ათი მძიმედ დაშავდა იტალიის ჩრდილოეთით სარკინიგზო ავარიის შედეგად. ამის შესახებ ტელეარხი Rainews24 წერს.
კრემონიდან მილანის მიმართულებით მიმავალი მატარებელი მილანსა და ვენეციას შორის მდებარე რკინიგზის უბანზე რელსებიდან გადავიდა.
ტელეარხის ცნობით, 100-მდე ადამიანმა მსუბუქი ტრავმა მიიღო.
შემთხვევის ადგილზე სასწრაფო დახმარების მანქანები მივიდნენ. შეფერხებულია მატარებლების მოძრაობა.
