აშშ-ის იუსტიციის სამინისტრო გამოიძიებს დონალდ ტრამპის მიმართ კრიტიკულ გამონათქვამებს, რომლებიც სცეპროკურორის რობერტ მიულერის გუნდის წევრებმა -გამოძიების ფედერალური ბიურო აგენტებმა ერთმანეთში გაცვალეს.

სკანდალი იმ გარემოებამაც გაართულა, რომ გამოძიების ფედერალურმა ბიურომ არ შეინახა აგენტების მიმოწერა, იმის მიუხედავად, რომ წესების მიხედვით ეს უნდა გაეკეთებინა.

მანამდე გავრცელებული ინფორმაციით, გამოძიების ფედერალური ბიუროს ორმა აგენტმა, რომლებსაც რეკომენდაციას რობერტ მიულერი უწევდა, მიმოწერაში ტრამპს იდიოტს უწოდებდნენ.

მას შემდეგ რაც ივლისში ცნობილი გახდა ტრამპის მისამართით შეურაცხმყოფელი გამონათქვამების შესახებ, აგენტი პიტერ სტრჟოკი გამოძიებას ჩამოაშორეს. მეორე აგენტი, ლისა პეიჯი იმ დროისთვის მიულერის გუნდიდან უკვე გარიცხული იყო.

Wall Street Journal-თან ინტერვიუში ტრამპმა განაცხადა, რომ აგენტების ქმედება სახელმწიფო ღალატის ტოლფასია.