სამხრეთ კალიფორნიაში მოსალოდნელი ძლიერი წვიმებისა და წყალდიდობების გამო 21 ათასამდე მცხოვრების ევაკუაცია მოახდინეს. ამის შესახებ Fox News-ი იტყობინება.

სანტა-ბარბარას საგანგებო სიტუაციების მართვის ხელმძღვანელმა რობერტ ლევინმა მეზობელი სამერლენდის, კარპინტერიისა და მონტესიტოს მცხოვრებლებს მოუწოდა სახლები უახლოესი საათების განმავლობაში დატოვონ.

„მდინარეები, რომლებიც ჩვეულებრივად მშრალი იყო, მომავალში ტალახის, ნამსხვრევების, ლოდებისა და ხეების მდინარეებად გადაიქცევა. მათ დიდი ზიანის მოტანა შეუძლიათ, ისინი დაანგრევენ გზებსა და სახლებს“, - განმარტა მან.

ძლიერი წვიმები მოსალოდნელია კალიფორნიის შტატის ჩრდილოეთ ნაწილში.გასული წლის ბოლოს ეს რაიონი ძლიერი ხანძრებით იყო მოცული. ცეცხლის გავრცელებას ხელი შწუწყო მშრალმა ამინდმა და ძლიერმა ქარმა. სულ შტატის ტერიტორიაზე ექვსი ხანძარი მძვინვარებდა. მათგან ყველაზე ძლიერი „ტომასი“ იყო. მის გამო ათობით ათასი მცხოვრების ევაკუაცია გახდა საჭირო. მას ათასი მეხანძრე აქრობდა. კალიფორნიის ისტორიაში ხანძარი „ტომასი“ თავისი მასშტაბებით მეხუთე ადგილს იკავებს.