ელიავას ბაზრობის მიმდებარე ტერიტორიაზე 2 მუშა დაშავდა
თბილისში, ელიავას ბაზრობის მიმდებარე ტერიტორიაზე 2 მუშა დაშავდა.
არსებული ინფორმაციით, ობიექტიდან სამშენებლო მასალა ფიცარი ჩამოვარდა და იქ მყოფ 2 ადამიანს დაეცა. ფიცრის დაცემის შედეგად, მათ სხეულის დაზიანება მიიღეს.
შინაგან საქმეთა სამინისტროს ცნობით, ორივე დაშავებული სასწრაფო სამედიცინო სამსახურის ბრიგადამ საავადმყოფოში გადაიყვანა.
ამ დროისთვის, ადგილზე სამართალდამცავები იმყოფებიან და მიმდინარეობს საგამოძიებო მოქმედებები.
