ქაბულში ტერაქტს 6 ადამიანი ემსხვერპლა
ავღანეთის დედაქალაქში აფეთქებას ექვსი ადამიანი ემსხვერპლა, დაშავებულია კიდევ სამი პირი.
დილით ქაბულში თვითმკვლელმა თავი ეროვნული უსაფრთხოების დირექტორატის შენობასთან, აბდულ ჰაკის მოედანზე აიფეთქა.
ადგილობრივი მედიის ცნობით, დაღუპულთა შორის ეროვნული უსაფრთხოების დირექტორატის ორი თანამშრომელია.
აფეთქებაზე პასუხისმგებლობა „ისლამურმა სახელმწიფომ“ აიღო.
