საქართველოს საპარლამენტო დელეგაცია, საგარეო ურთიერთობათა კომიტეტის თავმჯდომარის, სოფიო ქაცარავას ხელმძღვანელობით, ჩინეთის სახალხო რესპუბლიკაში შეხვედრებს მართავს.

პირველი სამუშაო შეხვედრა ქართველმა კანონმდებლებმა, ჩინეთის პარლამენტში, საგარეო ურთიერთობათა კომიტეტის თავმჯდომარის მოადგილესთან გამართეს, სადაც საპარლამენტო თანამშრომლობის გაძლიერებაზე და პოლიტიკური და ეკონომიკური კავშირების კიდევ უფრო გამყარებაზე ისაუბრეს.

სოფიო ქაცარავამ კოლეგას საქართველოში გატარებული და მიმდინარე რეფორმები გააცნო. მისი თქმით, ეს რეფორმები ქვეყნის სტაბილურობასა და უსაფრთხოებაზე მეტყველებს და ქვეყანაში საინვესტიციო გარემოს დღითიდღე აუმჯობესებს.

ჩინეთის პარლამენტის საგარეო საქმეთა კომიტეტის თავმჯდომარის მოადგილემ ჩენ ფენგსიანმასაქართველოს წარმატებასა და ჩინეთ-საქართველოს მჭიდრო ეკონომიკურ პარტნიორობაზე ისაუბრა და ხაზი გაუსვა საქართველოს აქტიურობას ჩინეთთან ურთიერთობაში, როგორც საკანონმდებლო, ისე აღმასრულებელ დონეზე.

სოფიო ქაცარავამ თავისუფალი ვაჭრობის შესახებ შეთანხმების მნიშვნელობას და ამ შეთანხმების ფონზე ექსპორტ-იმპორტის მზარდ დინამიკას გაუსვა ხაზი, რაც მისი თქმით, ქვეყნების ეკონომიკურ მდგომარეობაზე აისახება.

მხარეებმა, აბრეშუმის გზის მნშვნელობაზე და მასთან დაკავშირებულ საკითხებზე ისაუბრეს. ყურადღება გაამახვილეს მეგობრობის ჯგუფების როლზე, ორმხრივი და მრავალმხრივი თანამშრომლობის გაძლიერებისა და ხალხთაშორისი და კულტურული კავშირების გამყარებისთვის.
სოფიო ქაცარავამ ჩენ ფენგსიანი საქართველოში ოფიციალურად მოიწვია.

დელეგაციის შემადგენლობაში სოფიო ქაცარავასთან ერთად, ირინე ფრუიძე, ირაკლი ბერაია და ირაკლი შიოლაშვილი არიან.