ესპანელმა სამართალდამცველმა ორგანოებმა ვალენსიის პორტში 1,1 ტონა კოკაინი აღმოაჩინეს.
ტვირთი გემის ორ კონტეინერში იპოვეს, რომელიც ვალენსიაში ამერიკის კალიფორნიის შტატიდან ჩავიდა.

გემი ნარკოტიკებით მისი მეპატრონის თანხმობის გარეშე დატვირთეს.

ბოლო ერთი თვის განმავლობაში ეს უკვე მეოთხე წარმატებული ოპერაციაა, რომლის დროსაც ესპანელმა სამართალდამცველებმა ნარკოტიკების მსხვილი პარტიები იპოვეს.

ალხესირასში 6 ტონა კოკაინი იპოვეს, ბარსელონაში - 331 კგ ჰეროინი, ვალენსიის პორტში გემზე კი ერთი კვირის წინ ნახევარი ტონა კოკაინი აღმოჩნდა.

სულ სამართალდამცველმა ორგანოებმა 2017 წელს 30 ტონაზე მეტი კოკაინი, 440 კგ ჰეროინი და 20 ტონა მარიხუანა ამოიღეს.